Ibtidak Salam Zikir Aceh

***PERMULAAN***

Salam’alaikum warahmatullah

Ibu ngen ayah bandun saudara

Tameubri saleum Nabi kheun sunat

Jaroe tamumat tanda mulia

Salam’alaikum tgk disinoe

Saleum bak kamoe tanda mulia

Neusambot saleum  ka nibak kamoe

Tanda geutanyoe ta meusaudara

Kamaue meuzikir bunyi-bunyian

Kenang-kenangan sabe pelajar

Kadang na salah dan kesilapan

Harap ma’afkan bandum saudara

Pulom kamoe nyoe mula-mulaan

Pulom ki rakan teungoh belajar

Pat-pat na zikir yang kureung sopan

Mohon kirakan meu’ah beuraya

Silaturrahmi meukheun dua krak

sinan hai bapak ta puphom makna

bak moulid nabi neuyue seumarak

beuthat dua krak tabaca do’a

oh no meumada khabar dua krak

bak kamoe yang jak-jak baca do’a

oh no meumada wallahu’alam

jinoe hai rakan zikir tabaca

By. Tgk. Muslem Hamdani